انيو سايو









بسم الله الرحمن الرحيم
أهلن أهلن بالمعطلين كلهم
كل واحد يجيب كاسة مويا حتقرأون كلام كثير
المُهم ، اليوم الحمد لله نزلت لي درجة آخر مادة وبكذا أكون أتحررت من هذا الترم تمامًا اللي أتفق الجميع صغيرهم وكبيرهم على إنو قد أيش كان طوييييييل وكئيب وصعب للأسف .
ما أتوقعت ينتهي على خير أبدًا ! بدايةً بالجداول اللعينة والشُعب المليانة وغير المتاحة وتأخير دراستنا أسبوع ونهايةً بضغط الواجبات وو، وأنتهاءً بالميد ترم اللي آخر شي آختبرناه قبل الفاينل بيومين
محد راح يتوقع قد أيش كان ترم منيل بستين نيلة بالنسبة ليا، جدولي كان حفلة وأستهلكت لترات من الدموع
وكان أول ترم تخصص وأول ترم متاح ليا مواد أختيارية، وطبعًا على عمايا أضفت مادة قانون حسيتها ظريفة كذا
و حسن ظني خلاني أشيل هم كُل أحد طول الترم بسبب محاضرة المادة هاذي وأستاذتها كانت
، درجة اليأس اللي وصلت لها خلتني أحلف لو نجحت بأكثر من A حسوي حفلة
( اللي حيجيب هدية بس معزوم
) زيادة على هذا إنو أول يوم أختبار كان عندي أصعب مادتين ورا بعض
وكل أختبار أرجع منو أخلي الملزمة ما أحطها مع الكتب المستخدمة كنت شايلة هم أحمل مادة
* أنتهى الترم الحمد لله وتنفست الصُعداء وباقي هم الدرجات والمعدل، وما أخفيكم قد أيش كنت أفكر وأقنع نفسي تتقبل أبو جلمبو
بس الحمد لله الحمد لله مليون مرة وما تكفي جدّ ! درجاتي كانت كلها ممتازة وأكثر مادة كنت كارهتها أخذت فيها A+
أسعد من كذاااااا ؟
ومعدلي كمان A
ما في شي بالحياة أجمل من إنو الواحد يحس بالرضا عن نفسه وهوا يشوف نتيجة تعبه ودموعه تتحول لفرحة وإنجاز يصب في صالحو كثييير !
تأكدت بعدها إن الصعوبات وأقسى اللحظات اللي بنعيشها حتكون في النهاية سعادة لنا لو صبرنا وفوضنا أمرنا إلى الله ()
بالنهاية من لا يشكر الناس لا يشكر الله ..
شُكرًا لكل شخص خفف عني يوم بكلمة أو دعالي، شكرًا للأم الروحية الحنونة اللي كانت تستقبل كل بُكا وتذمر ونفسية خايسة برحابة صدر وتحفزني بالهدية اللي حتجيبها ليا ( قُبلات الدنيا لكِ :* )
و بالمُناسبة !
أتقبل حتى الهدايا الرمزية بهذه النهاية السعيدة
بسم الله الرحمن الرحيم ♥
البساطة دائمًا مقرونة بالجمال، بمعنى أن الأشياء كلما زادت نسبة بساطتها كانت أجمل :")
" صندوق السعادة "
هوَ صندوق صغير توضع به قصاصات ورقية تحتوي على كل ذكرى
سعيدة أو جميلة جدًا، ستحدث خلال العام الجاري ٢٠١٣ بإذن الله ❤
ولا يتم فتحه إلا عند إنقضاء العام .
الفكرة ممتعة ولذيذة وشهية للتجربة ^^ ~ كم من السعادات سَتُخلد !
بسم الله الرحمن الرحيم : )
للأسف الظروف منعتني من ممارسة الساعة المفتوحة بشكل يومي، لكن المهم أن نعود
خُلاصة ساعة اليوم :
1- قرأت 32 صفحة من كتاب " مُضادّ حيوي لليأس "
2- سويت وأخيرًا إعدادات BlackBerry Protect لحماية جهازك البلاك بيري، في حالة إنو ضاع منك لا سمح الله؛ من الموقع تقدر تحدد مكان ما هوا موجود بالتفصيل وكمان ينفع تخليه يطلع صوت عالي عشان تقدر تعرف مكانو .
الشرح هنا / http://www.vb.eqla3.com/showthread.php?t=1176590 .
3- بما إني إنسانة ما تحب الروتين
حملت برنامج خطوط للبلاك بيري أسمو فونت كنترول .
4- حملت حبيبي البرنامج CCleaner ينظف جهازك من الملفات المؤقتة والكوكيز وو إلخ + تقدر منو تحذف البرامج اللي على جهازك .
رابط التحميل * البرنامج عربي ما يحتاج شرح أتوقع *
http://download.cnet.com/CCleaner/3000-18512_4-10315544.html?part=dl-&subj=dl&tag=button
5- صممت تأثيرين جدًا جميلة، زمان ليا أبغا تأثيرات ناعمة كذا
الصورة بدون تأثير /
تأثير1 ~
تأثير2~
وهنا لتحميل التأثيرات *.*
http://arabsh.com/files/0d36404262fa/تأثيرات-توما-rar.html
صباح / مساء الخير
أول تقرير فيلم أكتبو حيكون لصالح الفيلم المُمتع جدًا Megamind
IMDb
قديم تقريبًا من 2010 " سنة أفلام هايلة بإعتقادي "
الفيلم يتكلم عن كيف ينتصر الخير على الشر في قالب كوميدي ظريف يخش القلب
وكيف إنو الشخص مهما كان سيئ إلا إنو موجود الخير جوا قلبو بس يحتاج دافع قوي عشان يخرج .
لا تفوتو مشاهدتو .. ترا اللي ما حيشوفو بيروح عليه نص عمرو
رابط التورنت والترجمة * ويا حبذا نقفل الميوزك .
Torrent - Subtitle
مشاهدة طيبة